بعد لما بدأت المدونة وقفت كتابة فترة طويلة مش عارف ليه ... بس كل شوية بلاقي الدنيا بتبقى أصعب من الأول وزي أي أنسان عادي الواحد بيلاقي معنوياته يوم في الأرض ويوم في السما. ساعات لما بأبقى محبط أوي بلاقي نفسي بأكل كتير ... بأكل حاجات غريبة .... مابصليش ... مش بخرج ... مش عايز اكلم حد ... بتنرفز بسرعة .... مش بعرف أنام ... بنام في أوقات غريبة .... بفتكر الناس علي بحبهم ومش موجودين .... بفتكر كل الإحباطات علي حصلتلي وكل القرارات الغلط علي اختارتها.
بس بعد كل مرة بلاقي أن الدنيا مش مستاهلة وكده كده حتعدي ... بالطول ولا بالعرض ... .... بحلوها ومرها ... بناس حلوين وناس وحشين ... باحباطات ونجاحات .... حتعدي حتعدي واحنا مفيش في أيدينا حاجة يعني لو اكتأبت ولا تفائلت ولا زعلت ولا فرحت مش حتفرق.
أنا حكتب تاني حتى لو حاجة قصيرة .... حتى لو موقف .... حتى لو كتبت كذا مرة كل يوم ...
ليست هناك تعليقات:
إرسال تعليق