أمبارح حصلي موقف ... عادي جدا و ساعات بيحصل لناس كتير كل يوم ممكن تشوفه في كل يوم كذا مرة.
كان عندنا موعد في مدرسة أبني وكل واحد ليه وقت محدد المفروض ييجي فيه والحمد للة وصلنا في الموعد المحدد وأول الباب متفتح علشان علي قبلنا يخرجوا فوجئنا بواحدة ست دخلت بسرعة مع أن ده الموعد بتاعنا وكمان احنا جايين الأول !! مدرسة الفصل اجنبية من انجلترا وطبعا استغربت جدا من الموقف وقالت للست تطلع بره علشان ده دورنا وفعلا طلعتها بره واحنا دخلنا !! إيه بقى منظر الست دي قدام ابنها ؟! أكيد الولد استغرب أكيد حس ان مامته عملت حاجة غلط .
ممكن حد معندوش دم من الناس دول ... يفهمني هو ليه كده ؟!؟!؟!؟!؟!؟
واحد صاحبي حكالي موقف غريب جدا في مطار القاهرة والدنيا زحمة شوية وال ناس واقفة طابور وفجأة ظهر واحد شكله محترم بس للأسف راح وقف أول الطابور ولا كأن في طابور أصلا ! فـصاحبي قالوا لو سمحت حضرتك في طابور فـالرجل طنش وفضل واقف .... فـصاحبي قالوا تاني ان في دور وطابور فـالرجل ولا كانوا سمع حاجة ... راح صاحبي ماسك شنطة الراجل و راح راميها آخر الطابور ... عارفين الراجل عمل إيه ؟! .... راح واخد الشنطة ووقف أخر الطابور !
يقول الشيخ علي الطنطاوي -رحمه الله -
حدثني رجل قال: كنت في لندن ،فرأيت صفا طويلا من الناس يمشي الواحد منهم على عقب الآخر ممتدا من وسط الشارع إلى اخره
فسألت فقالوا أن هنا مركز توزيع وأن الناس يمشون اليه صفا كلما جاء واحد اخذ آخر الصف فلا يكون تزاحم ولا تدافع ولا يتقدم احد دوره وتلك عادتهم في كل مكان على مدخل الكنيسة وعلى السينما وأمام بائع الجرائد وعند ركوب الترام أوصعود القطار .
قال: ونظرت فرأيت في الصف كلبا في فمه سله وهو يمشي مع الناس كلما خطو خطوة.. طا خطوة لايحاول أن يتعدى دوره أو يسبق من أمامه ولا يسعى من وراءه ليسبقه ولا يجد غضاضة أن يمشي وراء كلب مادام قد سبقه الكلب .
فقلت ما هذا ؟ قالوا كلب يرسله صاحبه بهذه السلة وفيها الثمن والبطاقة فيأتيه بنصيبه من الإعاشة .
لما سمعت هذه القصة خجلت من نفسي أن يكون الكلب قد دخل النظام وتعلم اداب المجتمع
أعتقد كده لما نقول ان الناس علي بتستهبل وتعمل نفسها ناصحة وتاخد دور حد تاني دي ناس ولاد كلب يبقى لازم الكلب يزعل !!
